ابوذيات جميله ومختاره ان شاء الله تعجبكم

ناس تفكر همهم يسعدونك وناس تفكركيف تقدر تبكيك
لاتشتري من حاولوا يخسرونك ولاتخسراللي فكربيوم يشريك مافيه أجمل من صديق يصونك ولا فيه أقسى من قريب يعاديك
مشتاق لكل همسه بصوته
محتاج اسمع حتى سكوته
الله اجمل شي بالدنيا
لما ياحبيبي يناديني

ادك عليك يكول الطلب جاري
وعليك الدمع فوك الوجن جاري
ريتك يالعزيز تصير جاري
وشوفك كل صباح وكل مسيه

منو مثلي تعب لاجلك وداره
وعاش بعيد عن اهله وداره
اظن واحد قرى براسك وداره
صرة اهواي متغير علية

طالب والدهر ذبني وحبيت
وحظي الردي ورطني وحبيت
مو مثل الخلك عاشك وحبيت
انه حبي عكس كل البريه

زماني والدهر وياي عنفص
ركبت زمال نص الدرب عنفص
حبيبي الجنت اودة هم اليوم عنفص
زكطني وشمت العدوان بية
ابوس اخدوده اتمى وشمه
وبزنده ريت ايصير اسمي وشمه
شنو ابوه ايمانعني وشمه
انا الماعوفه الحد المنيه

ياغالي اشلون ماحبك ولا بيك
ولاامك تحن مثلي ولا بيك
عساهن بيه لوعاتك ولابيك
واحول كل الم منك عليه

اقدم روحي اباقه وردلك
وكولن بعد ما رد وردلك
اجم مرسال من عندي وردلك
ولامنك جواب يرد عليه
سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه

عشرتك روحي صدك ماتملهه
وكلبي ايام سعدك ماتملهه
اريد انصب الروحي ماتم الهه
واشوفك هم تجي وتبجي عليه
جاري الاتصال وياك جاري
يمن حبك نهر بالروح جاري
وين الله وتصير بيوم جاري
احن الباب والشارع سويه

حبيبي يعطر زلفه طيب اني
جنت وجعان جفه طيب اني
جثير ناس كالت طيب اني
غشيم وصدكت بيهم خطيه

بعيد ولا جنح عندي وامركم
وصرت خاظع لامر الله وامركم
البعد لابد ينتهي وامركم
وعاتب كل محب مايمر بيه

امر على الدار وشتم من نسمه
وروحي اطيب بالسم من نسمه
اهيم بحرف واحد من نسمه
لو كل اسمه اشلون بيه

ولعراق
الولـــــــــــــع ولعين هلسايل ولع راق
وطوائف ما عدت تنفع ولعـــــــــــــراق
يضل اسمك وطن واحــــــــــد ولعراق
يهز جبال وانتة لعز منيـــــــــــــــــــــة

من صباني
العشكَ باوردتي يمشي من صباني
وغير الطيب والود مــــــا صب انــــي
تاج لراسك اني ومنصبــــــــــــة اني
وغصبا ما عليك اتصيــــــــــــــــر الية

وشا لك
سبحان الكونك انتة وشا لــــــــــــك
وعلى امتون الحسن حطك وشالك
بالك لا تذب حجبك وشـــــــــــــالك
تذوب الــــــــــروح من غصبا عليـــة

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه


تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه


همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية


بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه


وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه


عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه


تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.


وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه


الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه


احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

انشاء الله تنال اعجابكم

.......شكرا لك اخي معاذ على الشعر الرائع .......

روووووووووعه

عاشت ايدك اخوي معاذ على الابوذيات الجميله