كلها سكتة

نسيت!!!!!!! مدري غفيت!!!!؟


ضحكت!!!!!! مدري بجيت!!!!؟


حته هسه مدري يمته




تايه انه ياعراق


سابح ابحر الشقاق


لا


لاعب بنادي النفاق






لعبت؟


لا غنيت


ركصت ؟


لا صليت


تيهتني وتهت انته


حته هسه مدري يمته




انته وانه وانه انته


اثنين احنه


احنه فلته


انه وانته


روح وحده كلب واحد


بالنبض اسمعهه دكته


دكته سكته


انه سكته و سكته انته


بس اسمك بصوتي صرخته


ومن صرخته صرخته سكته




اقره جفك يا عراق


تلكه اسمي بكل خطوطه


وعقد عمري لو قريته


انته واضح في شروطه


وهذ عمر لون شفته


تلكه عمرك من نسخته


ولون عشته


تعيش زغري الي دمرته


فنجاااااااااااااااااااااااان


فنجان بختك لو حزرته


تلكه بختي لو كلبته


ولو رشفته


ترشف همي الانته سبته


هذا انه وهذا انته


وهذا تقديري الحسبته


كول ساهي


كول لاهي


كول غلطان بحسبته


كلشي اقبل


ابقه ساكت


وادري حجيك من لهفته


من طلع غص بعبرته


يلي ظيم الوكت شلته


انه مثلك هم حملته


حملته انته


وانه شلته


حته هسه مدري يمته




جم يتيم البات متغطي بدمعته


وجم طفل جوعان يحلم بلكمته


وجم مريض الي تناك وما لحكته


وجم ضرير عله الرصيف نبنت كبته


بنوا كبته


والهمر سحكتله كبته


ترضه انته


سحكو كبته


حته هسه مدري يمته




شهد باجر يل النطرته


طلع حنظل لمن ظكته


ولوّن عفته


تعوف حلم الي حلمته


حته حلمك حلمه سكته






يّرد شعلان ما جنك دفنته


ولو دفنته


دفنه سكته






علم الاستسلام جنك رفعته


لا


ما رفعته


ولو رفعته


أطيح انته


بيك عباس وتطيح


دخيل بخته


انه وانته دخيل بخته





حته هسه


مدري يمته