الدنيا رسام... أحمد العراقي

الدنيا رسام..
احمد العراقي
الدنيا رسام,والوكت لوحه,وآنه فكره وعارضت الغدر,وبما انو الدنيا غداره شتضنهه راح ترسمني؟؟؟؟
آنه اكلك:
رسمتني بطل عايش بقصة عذاب أسمهه(ألا اشبعك قهر)
رادت تعاقبني لأن مارضيتلهه وعارضتهه بفكــــــــــــــــــــر
وخلت كلمن أحبه يضربني بسهم لو يطعن بخنجر غـــــــدر
خلتني أكره بكد ما جنت احب وكالت ألا اراويك نجوم الظهر
وكفتني بساحة معركه وخلتني وحدي وكدامي جيش أشبه بالكفر
محتار وأدور والتفت يمنه ويسار وامنين ماأباوع ماألكه المفــــر
بس حبيبي الجنت اخاف عليه واكف يريد يدافع عني ويجيب النصر
مارضيت وماخليته لأن احبه لحد الجنون ومااريده ينمس بضـــــرر
استسلمت ورفعت الرايه وكلت أجرع كاس المراره الجابه أليه القــدر
أسولفلك حبيبي:لبسوني الثوب الأبيض و سولي زفه واخذوني العصر
……..
وآنه لا أحجي ولا أكول بس اباوع بالعيون ومخنوكه بعبرتي
أريد اشرد واجيك واكلك حبيبي الحكلي وعلى خدك أنزل دمعتي
فرحانين وآنه تكتلني حسره بكل لحظه التمر وتمنيت اندفنت بحفرتي
………
خذوني وصعدوني بالغرفه ومن باوعت بيهه اختنكت!لأن شفتهه ظلمه
اتذكرتك من جنت توصفلي غرفتنه آنه وياك وتكلي الا اسويهه شمعه
وحدي عافوني الأنذال وصعدوا عريس ومن بعد ماسد عليه الباب رادت من عيني تطفر الدمعه
……..
شتتخيل حبيبي الموقف وشتتصور الحال؟أتحداك أذا ماتكول حالج بموقف صعب!
بعد مااسولف وأوكف هنا وماراح اكمل أذا تسمح
لأن الي جره وصار كلما أذكره يجرحني بجرح
واتمنيت بدل ذيج الساعات ياريت نحري انذبح
………………….
أحجي ويه دنياي واكولن ماخلص حبرج بعدج ترسمين
هيه موبالكوه ولابالعناد ولا بجيوش وتجيشين
كاس المراره الجابه أليه القدر مدري امنين
شربته وتجرعته بس ماسوه التريدين
مايوكف بوجهي لا قدر ولا قسمه ولا نصيب وينفذ أمرج تحلمين
لأن آنه ارجعت مرفوع راسي ومو علامة نصر وحده أرفع اثنين
غلطتي هواي من سويتيني بطل قصة عذاب وجان قصدج تعذبين
نسيتي البطل ما يتسمه بطل أذا ماينتصر عالظالميــــــن
(شعر لقصه واقعيه:البنيه زوجهه ماتزوجهه ورجعت بعد فتره لأهلهه