صيحة رجل وطني

صيحة رجل وطني

بأسم كل ظالم عراقي ابدي الشعر *** الخلة شعبي تدوسه ارتال الهمر
ما نريد الحصة ومنريد الغذاء *** وما نريد العون من كل البشر
أني شعبي تعلم بوقت الحصار *** من يطخة الضيم ياكل الحجر
واني شعبي الواكف بوجه الطغاة *** قاوم اكبر جيش والله ومنكسر
ما نريد العون منكم برلمان *** وما نريد الدولة تحكمها الغجر
وما نريد أطفال تقتل كل صباح *** وما نريد أنعيش في وضع الفقر
عدنه دولة تعيش في ارفه حياة *** وعده شعب يعيش ما دون الصفر
وإذا احسب ناس اتبوك العراق *** ما اخلص والله الحد الشهر
عدنه هواية أطفال ما عدهة أمهات *** وهمة عدهم كل طفل يملك قصر
وعدنه أحنا أطفال ما عدهة مدارس *** لا قلم تكتب ولا عدهة حبر
وهوة عنده أطفال بأرقى المدارس *** بلندن وباريس امكضي العمر
كالو ادرس وخلصينة الجامعات *** وين أبو التعين أني منتظر
صار خمس أسنين راقد بالحياة *** لا وضيفة ولا معاش الينذكر
وصار ثمن اسنين دمرتُ العراق *** وكل شبر بأرضي احفرتو قبر
بس أكلك فقط هانت يا عراق *** وساحة التحرير تحسم الامر
ولدك إحنا ومنتبرة ولو نموت *** ولو كضينة حروب كل هذا الدهر
كافي والله إلي يصير بشعبي هذ *** احنة امة نستحق عيشة فخر
احنة للعالم منارة نرسمت بدم الشهيد *** وكل شهيد الراح اوسامة نصر
كالو اصبر اوصبرنة على الضلم *** وحت صبر أيوب اتعدة الصبر
هسة ثرنة وكلها تعرف من نثور *** نخلي اليعادينة بليلة محتضر
هذا إحساسي عراقي من العراق *** ودمي بترابة تحنة من الصغر
ترجع الايام وترد اليالي *** زاخو وي الانبار تبات بأم قصر
وترجع السهرات بابل من جديد *** وداعت ابنج ذاك ابو زنود السمر
وترجع العذال بغداد الحبيبة *** ويرجع النواس يزهي بالشجر
ونتكاتف كلنة اولاد العراق *** ومانخلي الغيم ايمسهة بمطر