مسجات للاحباب

موضوع: مسجات للاحباب السبت أغسطس 13, 2011 7:36 am

يافجر ليــــلي متي أشوفك صباح
ومتـي مره القاك يافجــــري قريب
ومتي يافجر طيــرك يميل الجناح
وياخذني لمن خلا قـلبي عطيب
لو قلت أغفــــي ولو قـــــلت ارتاح
عيا هالقلب فيني لــو مره يجيب
عايش مع الناس مثل ضيـف وسواح
وأدور الماء وأنا وسط المشــــاريب

وش تقول بشخص مثلي مات فيك!
حبك لحد الجنون وما اكتفى!
لو نسى عمره وروحه ما نسيك
دام حبك نبع صافي للوفا
لو تكون بآخر العالم يبيك
دام شوفك فيه للروح الشفا
كم تمنى في عيونه يحتويك
لجل يسري في حناياه الدفا

أنا مالي سوى حبك
تدلل يحفظك ربي
حبيبي .. يووووه ما اقصد
نسيت انك بعد عمري
نسيت انك قمر هالكون
وبحبك والله أنا مفتون
تبي الصراحة والوضوح
وصمت يشغل البوح
أنت اللي على عمري تمون
لبا قلبك على هالعيون

مساء الكلمة الحلوة
مساء الحب بليا حدود
مساء ريحته قهوة
وطعمه بالحلا معقود
مساك نغمته تغريد
وصوته ينعش المجهود
مساك خير يا الغالي
مساء الشوق ودهن العود
مساء يحتويه الكون
لأنك أنت فيه موجود

زادت بي الأشواق وملت بعضها
وشمسي عن الإشراق صارت بعيدة
دنيا عقب فرقاك ضايع عمرها
وقلبي نسى نبضه ومجرى وريده
وينك فقيد الروح وينك أملها؟
وينك طعون الشوق والله شديدة

عرفتك صادق الإحساس
عرفتك غير عن هالناس
تداوي الجرح
وتجبر الخاطر المجروح
حنون القلب
وكلماتك ترد الروح
تعطي ولا تأخذ أبد
وما أظن في مثلك أحد
أنت بحر ماله حدود
أنت عطر كل الورود
روحك كلها طيبه
وغيرك أنا وش لي به ؟
فز الخفوق وقلت يا الله عسى خير
أثر الليالي عاد غايب قمرها
يا ناس أحبه والمحبة مقادير
هذا هوى نفسي وهذا قدرها
والحب ماله يا أهل الحب تفسير
قلبين والله بالمحبة أمرها

قلت لك: روحي تبيك وأبيات شعري تحتويك
قلت لك: عمري وحياتي والمشاعر تحتريك
قلت لك: قلبي يحبك والعيون تموت فيك
قلت لك: أنا احبك والقلب يشتريك
أنا قلت ..
وأنت وش تقول ؟

فقدتك !! و جيت أتصل ثم هونت
دامك بقلبي وش يفيد اتصالي
ما ودي أشغل وقتك بقول : وين أنت ؟
وإلا أنت في قلبي وساكن خيالي

تبي تعرف مين أنا ؟

أنا الغلا وأكثر من النفس مغليك
أنا الوفا رغم الجفا جيت شاريك
أنا السهر لا نامت عيني تراعيك
وأنا الذي لا ضاق صدرك يسليك
أبختصرها وأعترف جيت "هاويك"
أنا غرامك بس في صورة إنسان يغليك

صرت أتشفق شوفتك يوم بالعام
من عقب ما كنت عندي العام كله
أحد تمنى شوفته طول الأيام
وأحد تشوفه دقيقتين وتمله

إيه احبك قلتها والصدى غطى المكان
والتفت من كان حولي مندهش من كلمتي
ثم جلست اردد الكلمة إلى وقت الأذان
ثم ذكرت الله وهللت وبديت بدعوتي
ربي أحفظ من ملكني حبها طول الزمان
ربي اكتب كل خير بدربها واقبل دعوتي

الله يجيبه

الغايب اللي سولفت عنه الأقلام
راح وترك له بالمعاليق صورة
هو ما درى إنه بالحشا من كذا عام
يبني على ساس المحبة قصوره
الله يجيبه دام باقي لي أحلام
و"ألمس كفوفه" وانبسط في " حضوره"

أشتاق لك والقلب ما هو بيديني
أنت الحبيب ومالنا غيرك أحباب
عن حب غيرك تايب من سنيني
ولاشك قلبي عن غلاك "أنت" ما تاب
غلاك بالدنيا ترى مبتليني
لا غاب زولك كل شي غاب

ما كل غالي بالقصايد نوفيه
بعض الغلا في داخل~ القلب~ ذكراه
دايم لكل إنسان "ميزة" تحليه
وأنت بعيني شي ما ألحق أقصاه
الله يطول عمر *قلبك* ويحييه
لشخص يشوفك أنت أجمل ..هداياه ..

جزاك الله خيرا وبارك فيك

بارك الله فيك على المسجات الروعه

شكرا على المسجات الحلوووه مثل صاحبتها

تسلمي حبيبتي

بارك الله فيك

جزاك الله خيرا

شكراااااااااا على المسجات

عاشت ايدك اختي على المسجات الروعه

دمتِ بود

يسلموووووووووووووو على المسجات

شكرآ جزيلا غاليتي

عاشت الايادي على هذه المسجات الروعه يا غاليه

تسلميلي حبيبتي

شكرآ على الرد الروووووعه

شكرآ على المسجات الرائعه

شكرآ على المسجات الرائعه

جزاك الله خير الجزاء

» ** مسجات فراق & مسجات حزينه **
» مسجات ندم.....
» مسجات حلـــــــــــــــــــــوة
» مسجات للعيد
» مسجات مضحكه