شيفيد العتب وتريد احاجيك

شيفيد العتب وتريد احاجيك

ماشه نار حبك تلهب وياي
كافي انزف جرح وتريد اداويك

تحركني بغرامك واشتعل نار
وهسه تريد ترجع ما اخليك

ياريتك تجي وتشوف الجروح
تلكاهن خطيه يسولفن بيك

شسولفلك عليهن والله محتار
ياجرح التشوفه ابناره يجويك

احبك حب عراقي يحب الهموم
اصيل وشايل الدمعه ويسليك

حبيتك طفل عايش وياي
ياعشك الطفوله شلون أأذيك

سامرتك ليالي وكلبي مذبوح
مثل نجم السعد بحضاني الوليك

يدك ناي الحزن وي صفنه الليل
حد وجه الصبح موال اغنيك

واسولفك عليه وحالي خلصان
بس عندي المهم لازم اداريك

شوف اثار حبك بين العيون
بين شيب بيهن وانت مابيك

وبين بالكلب حبك نياشين
بعد شكثر بعد وتريد اراويك

بين كلشي بين منك وياي
سلاما على الجروح البيهه اباريك

جنت شمعة بحياتك تطرد الليل
هسه الشمعة ذابت بيش اضويك

اترس حضني الك بدموع العيون
واذا راحن عيوني اشلون ارويك

من ماي الكلب شربتك وياي
وافتحلك نهر من كلبي وسكيك

هسه الكلب مات او مو كلب صار
جثه ابنص جسم حاجيني شنطيك

لميتك دمع بعيون الايام
كلي شراح اكلهن لمن ابجيك

ألملم ذكرياتك حتى ارتاح
وشوف شباقي بيهن حتى ابديك

طبع ذيب الوكت لتأمنه الجروح
زمان الضحكك لازم يبجيك

بارك الله فيكي اختي الكريمه على الشعر الرائع

يسلمووووووواختي شعر رائع مشكووووووره

لوحة شعرية لبست لباس الحيرة والحزن والمكابره
تحية لكِ عزيزتي للنقل الجميل ولشاعرها الفذ كل الودَ

اختيار يتجانس مع جميع الاذواق ...

شكرا جزيلا لنقلك المميز

السلام عليكم ورحمة الله وبركاته

كلمات معبرة .. وحساسة جداً

اهنيكِ على هذا الاختيار

الله ينطيج العافية

بالتوفيق

دمتم بحب وسـلام

احمد الحديثي مر من هنا

بارك الله فيكي و جزاكي خيرا

بارك الله فيك وجزاك الله خيــــــراً

» دلوعه هنا وتريد ترحيب
» عندما تكون مجروحـــــــا ..’،,,وتريد البـــــــوح..,،..
» عندك صوره وتريد ترفعهه على الانترنت وتخليهه داخل المنتدى ... ادخل هنا