ابوذيات على اسماء النات

اخوية اليست هذه غزل اعتقد مايجوز شرعا

****************
احب وصلك وهابك من عداها
افراكك يوم احمله ، من عداها
ازورك لو تصير احزاب اليه
($$$$$$$$$$$$$$$$$$$$$$$$$$$$$$$$$$$$$$$$$$$$$$$$$ )
قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه
**************************************************
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
{************************************************* }
أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxx
انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه
(***********************************************)
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه
**************************************************
بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه
**************************************************
ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه
xxxxxxxxxxxxxxxxxxxxxxxxxxxxxxxxxxxxxxxxxxxxxxxxx
علامات الكبر بـانت ولاحن
أوخويا المنكسر قلبه ولاحن
بعد ما أنشد عنــــهم ولاحن
ولاحن بعد بالمـــــــالي بيه
(xxxxxxxxxxxxxxxxxxxxxxxxxxxxxxxxxxxxxxxxxxxxxxxx)
عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه
(xxxxxxxxxxxxxxxxxxxxxxxxxxxxxxxxxxxxxxxxxxxxxxxx)
حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه
(*********************************************)
قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه
**************************************************
بتاج الفرح ولفــــي توجاني
وحسن ردلي شبابي توجاني
من اثمار المحبــــه توجاني
قلبي الشبع ضيم أمن الاديه
(==========================================)
نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بيه
**************************************************

xxxxxxxxxxxxxxxxxxxxxxxxxxxxxxxxxxxxxxx
جدمي شله هجركـــ ماتخطه
وبكلبي سهم غدركـ ماتخطه
يدفان عاللكبر اسمي ماتخطه
وادفني عدل شمتاني بيه
***********************************
شجاك ومنشدت عنـــــــــي واناسال
وكلهه تشافت اجروحــــــك واناسال
واشوفن دمعتك نشفـــــــت واناسال
دمعي على الخدين واحركهن اليه
xxxxxxxxxxxxxxxxxxxxxxxxxxxxxxxxxxxxxxx
رضينة من الله كالوا هاي قسمة
ومجنون ترى كلمن عاف قسمة
هاك اخذ الكلب ياصاح قسمة
بين عمارة وبصرة وناصرية..
***************************************
حبيبي ردتك للوكت والراي
او ثبت مرضي مابين الكلب والراي
صرت مثل الغريج ابحر والروي
ايتلاطم او ماخله النفس بيه
*************************************
وحك خالق الارض وسماه
شربني الدهر قهر وسماه
صار الضيم الي سلوه وسماه
امدوهن لو ما تمر بلوه عليه
xxxxxxxxxxxxxxxxxxxxxxxxxxxxxxxxxxxxxxx
يدنيه بحبل عتيني وجري
وحيل بنار جويني وجري
الوادم سمج مزتهه وجري
وانه اللبلبي حسره عليه
***************************************
من يوم فركاك مالذن جفوني سنه
اضحكتني ساعة بجيت عيوني سنه
ياحلو محد مبتلي بهواك بسنه
من دون كل الخاك سيفه عليه شهر
يوم البلاني بالعهودانوبه شهر
انته عليك السنه تمضي بحسبة شهر
وانه عليه الشهر كل يوم يمضي بسنه
xxxxxxxxxxxxxxxxxxxxxxxxxxxxxxxxxxxxxxx
بجتلتي بسيف وية اعداي برزاخ
وعلي زخ المطر شر موش برزخ
شتاني وعلي كلهة اصبحت برزخ
حياتي وبعد برزخ بالمنية
************************************
ولع تاب
كلبي اتولع بحبك...ولع تاب
واناطر منك امسامر..ولعتاب
على بابك وكفت انة ..والعتاب
اكلك ليش؟واتكلي اشبدية
***************************************
كاس السم لشربة وانت كاسة
وذا عوفك خسارة وانتكاسة
وذا شارك بدوري وانتة كاسة
اشيلك لو جنت خسران مية
***************************************
الك حن الگلب يسمر والك مال
وذاب الگلب من هجرك والك مال
ولاني ناجح بحبك ولااكمال
ولاراسب واگلك حيل بيه
***************************************
ياحبيبي لاتضن الدهر سرنا
هجرنا ديارنا وللغرب سرنا
وحگگ ماظهر للناس سرنا
لچن دمعي فضحني وعم عليه
***************************************
اريد ارسل سلام بالجات عني
واخبر اهلك المادرو عني
ابنكم كتلني بسهامه وعلني
واريد الفصل والديه سويه
***************************************
بعد راح الحلو وابعد وسافر وهيهات
واكله تحبني اليوم يكول هيهات
تريد اعشق وارد النوب هيهات
ولو ما بيك قصور يا حلو المسيه
**************************************

مشكور اخي على الشعر الرااااااااااائع

بارك الله فيك و جزاك خيرا