طلب من اهل حديثة

السلام عليكم ورحمة الله وبركاته
اعضا منتدى اهل حديثة الكرام...
اسعدني جدا تواجدي هنا بينكم وفي عائلتكم الجميلة بين اخواني واخواتي الرائعين اعضاء المنتدى
اتمنى ان تسعدوا بوجودي وان تستفيدوا من مشاركاتي وان اكون خفيفة الظل عليكم ان شاءالله
بصراحة انا جدا احب حديثة واهلها الطيبين
وعندي طلب صغيرووووني وان شاءالله يكون خفيف عليكم ومو ثكيل
انا اريد اتعلم حجيكم(حكيكم اهل حديثة)واريدكم تعلموني اذا ما بيها زحمة
انتظر ردودكم وتفاعلكم وياية
اختكم بنوتة عراقية

عيكم السلام ورحمة الله

اهلا وسهلا بيج اختي ومية مرحبا بيج بين اهلج واخوانك

اما بالنسبة لطلبك ان شاء الله كل ما ادخل اكتبلك كم كلمه بالحديثي

وان شاء الله المشرفين والاعضاء مراح يقصرون وياكِ وماكو اي زحمه

-----

بعض الكلمات فقط ضعي لها مكان ك .ج

مثل شلونك= شلونج . هلا بيك = هلا بيج ..اشكرك =اشكرج .. بارك الله بيك =بارك الله بيج . حكي =حجي . الخ

وهواي النوب كلمات وان شاء الله سنقوم بمساعدك فيها

واهلا وسهلا بيج مرة اخرى

شكرا لك وهذا من لطفك وحسن اخلاقك

(يعني هسة بس احط بدل ج ,ك واكوم احجي حديثي هههههههه)
شكراً الك تعبتك وياية بس ميخالف اتحملوني الى ان اكوم احجي مثلكم
تحياتي

ههههههههههههه لا يمعود تعبك راحه
اي بس حطي ج مكان ك ورايتك بيضه ههه
وبعد اكو هواي كلمات وان شاء الله باكر اعلمك عليه

ههههههههههههههههه والله يا عبد الستار يجوز قصدها لهجة الحديثيين بالكاف مو بالجيم
على العموم اختي بنونته استمري معانا بمنتدانا واكيد راح تتعلمين لهجتنه
واي كلمه تقريها وما تعرفين معناها بس اسألليني انا بالخدمة
حياك الله وتدللي